روکپتی بلوچستان: پاکستان ءِ نیمگ ءَ روکپتی بلوچستان ءَ آجوئی لوٹوکیں سلاہ بندانی بندرانی نشانگ کنگ ءِ ٹاپار ءَ پد ایرانی رسانکدر ءِ گوشگ اِنت کہ اے اُرشاں لس مردم بیران بوتگ اَنت۔
سیستان بلوچستان ءِ کمک گورنر ءِ گوشگ اِنت کہ پنچ شمبے ءِ سھب ءَ ایرانی زربار ءُ رودرآتکی شھر ءَ پاکستانی اُرش ءَ بیران بوتگیں ھپتیں مردم ایرانی شھری نہ اَنت۔
ایرانی سرکاری رسانکدر ارنا ءِ رپورٹ ءِ رد ءَ کہ ایران ءِ زربار ءُ رودرآتکی استان سیستان بلوچستان ءِ کمک گورنر جنرل الی رزا مرھماتی ءَ گوشتگ کہ اے اُرش ھندی وھد ءُ پاس ءِ رد ءَ سھب ءِ چار ءُ پنچ ءَ بوتگ۔ اے اُرش ءَ ایرانی یک سمیسری میتگے نشانگ کنگ بوتگ۔
آئی ءِ گوشگ اِنت ما اے اُرشاں ھما وھد ءَ سرپد بوتگیں کہ شستون( سروان ) ءِ کِر ءُ کشاں بازیں تراکانی توار اش کنگ بوتگ۔
الی رزا مرھماتی ءَ گوشتگ کہ بیران بوتگیں مردمامی تہ ءَ سے زھگ ءُ چار جنین اَنت۔
آئی گوشگ اِنت کہ سروان شھر ءِ نزیک ءَ دگہ یک تراکے بوتگ چہ وشبھتی ءَ اد ءَ ھچ وڑیں جانی تاوان نہ بوتگ۔
