بلوچ راجی آجوئی سنگر (براس) ءِ جارکش بلوچ ھان ءَ ماں رسانکدرءَ وتی شنگ کرتگیں درشانے ءَ گوشتگ کہ براسءِ سرمچاراں پنجگور ءِ ھند ماتین گوران ءَ زورگریں پاکستانی پوج ءِ مزنیں بنجل ءِ سر ءَ ترندیں ارشے کرتگ ءُ بنجل ءِ یک مزنیں بھرے دستیگ کرتگ ءُ دژمن ءَ جانی ءُ مالی تاوان داتگ۔اے میڑ ءَ زورگریں پوج ءِ بیست ءُ دو کارمند مرتگءُ کیپٹن اسامہ ءَ ھوار چاردہ ءَ گیش ٹپی بیتگ۔ براس ءِ سرمچاراں دژمن ءِ جنگی سلاہ، شورہءُ آدگہ سامان زرتگ اَنت۔ اے کاروائیءَ مئے سرمچاریں ھمبل امیر بکش پنام ءِ بابا شھید بیتگ۔
آئیءَ گوشتگ کہ اے کاروائی یک اگست ءِ بیگاہ ءَ بندات ءَ کرتگ، براس ءِ سرمچاراں گوران ءَ زورگریں پوج ءِ 91 ونگ ءِ مزنیں بنجل ءُ آئی نزیکیں سے چوکیانی سر ءَ چہ سے نیمگاں ارش کرتگ۔ داں دو اداراں برجاھیں میڑ ءَ سرمچاراں دو چوکیاں ھوار بنجل ءِ مزنیں بھرے دستیگ کرتگ۔ دژمن ءِ مزنیں بنجل ءِ سر ءَ مزنیں ارش ءِ آسر ءَ زورگریں پوج ءَ بازیں کچے ءَ جانی تاوان بیتگ۔
جارکش ءَ گوشتگ کہ سرمچاراں دژمن ءِ سلاہ ءُ نوکیں ساز ءُ سامان دستیگ کرتگ اَنت۔ آیانی تہ ءَ سی تیری، جی تھری، مشین گن، نائٹ وژن ڈیوائس، تھرمل ایکسز ءُآدگہ سامان ھوار اَنت۔ براس ءِ سرمچاراں سی پیک دگءَ دو جاہ ءَ سنگر گپتگ دانکہ پہ دژمن ءِآیوکیں کمک ءَ بدار ایں۔ چو مدامی وڑ ءَ دژمیں پوجءَ لگوری کرتگ ءُ پہ وتی انگریں کارمندانی کمک ءَ نہ یتکگ۔ سرمچاراں دژمنءِ پہ چاریگی ءَ جتگی کیمرہ ھم نشانگ کرتگ ءُ تباہ کرتگ اَنت۔
آئی ءَ گوشتگ کہ کاروائی ءِ میانءَ یک چوکی ءِ پہ دستیگ کنگ ءَ سے کارمند سرمچاراں انگر کرتگ۔ چہ دیم ءِ سنگتاں سرمچار امیر پنام بابا آیان ءَ تاوان نہ دیگ ءُ پہ دست چست کنگ ءِ گوشتگ کہ آ چہ نزیکیں دژمنءِ تیرگواری ءَ نشانگ بیتگ۔ آ سکا چہ ٹپی بوگ ءَ ابید کمو نزدیم ءَ شتگ بلے چہ ھونءِ گیش رچگ ءِ سوب ءَ آئی وتی لیکہ ءِبنیاد ءَ گڈی تیر وت ءَ جتگ ءُ وت ءَ دژمن ءِ دست ءَ نہ داتگ ءُ چہ وتی ھمبلاں گسر بیتگ۔
جارکش ءَ گوشتگ کہ شھید امیر بکش پنامءِ بابا ء آسمی کیچ ءِ ھند ھوشاپ ءِ ارز مھمد بازار ءِ جاہ منند اِنت۔ آ 2014 ءَ بی ایل اے ءَ ھوار بیتگ ءُ داں دو سال ءَ شھری چیر جنگی ءَ کار کرتگ۔ 2016 ءَ آ کوہ ءَ اتکگ ءُ ھوار بیتگ گوں ناگیگیں جاوراں آئی راھبند ءِرد ءَ وتی جھد یکشل ءَ برجاہ داشتگ۔ آ کولواہ ءَ کیمپ کماندار بیتگ۔
آئی ءَ گوشتگ کہ شھید بابا نہ تھنا یک نہ ترسیں سرمچارے بیتگ بلکیں یک لیکھی کارکنے ھم بیتگ۔ آئی ءَ سیاسی بودناکی، لشکری زمہ واری ءُ گوں ھمبلاں مھروانی ءَ یک جوانیں کامریڈے ءِ نام داتگ۔
بلوچ ھان ءَ وتی درشان ءِ گڈی ءَ گوشتگ کہ براس ھمے کول ءَ کنت کہ شھید سرمچار امیر پنام ءِ بابا ءُ آدگہ شھیدانی دیمونی مئے جھد ءِ مڈی اَنت ءُ مئے دیمروئی ءِ بنیاد اَنت۔ دژمنیں پوج ءِ سر ءَ اے وڑیں ارشاں نہ تھنا برجاہ دار ایں بلکیں ترند ءُ دراجکش کن ایں۔ براس گوں وتی درسیں سرمچار، ھم سنتیں گل ءُ آشوبی کارکنانی ھمراھی ءَ گوں اے جھد ءَ دژمن ءَ سرجم ءَ پروش دنت ءُ داں بلوچستان ءِ آجوئی ءَ برجاہ دارگ ءِ کول ءَ کنت۔
