بلوچ نیشنل موومنٹ ( بی این ایم ) ءِ نیمگ ءَ شنگ بیتگیں جارے ءَ گوشگ بیتگ کہ بی این ایم یازدہ اگست 2025 ءَ ھالینڈ ءِ شھر ھیگ ءَ یک میان استمانی کانپرنسے برجم دار ایت کہ آئی سرنام بلوچستانءِ کیس؛ وتواکی ءِ ھک ءُ میان استمانءِ بے تواری۔
آئی ءَ گوشتگ کہ اے کانپرنس بلوچستان ءِ آجوئی جار ءِ ھپتاد ءُ ھپتمی سالروچ ءِ درگت ءَ برجم دارگ بوگ ءَ اِنت۔ اے بابت ءَ میان استمانی کانود ءِ رد ءَ بلوچستان ءَ کانودی بستار، پاکستانءِ زورگپتی ءُ انسانی ھکانی انوگیں جاورانی سر ءَ گوں دلجمی ءَ گپ ءُ تران کنگ بیت۔
آئی ءَ بھر زورگ ءِ لوٹ کرتگءُ گوشتگ کہ انساپ ، وتواکی ءُ میان استمان ءِ جست گرگ ءِ بابت ءَ اے کانپرنس ءَ مئے گون ءَ ھمراھداری بہ کن اِت۔
