کیچ: چه بلیده ءِ ھند سلو کوردیم ءَ مردمے ءِ تیرسپتگیں لاشے دزکپتگ۔
بنشون ءِ رد ءَ کشگ بیتگیں مردم ءِ نام دل جان ء ھدابکش اِنت ءُ آ گردانک بلیده ءِ جاه منند اِنت۔ دل جان 22 جولائی ءَ چه بلیده ءِ ھند کوچگ ءَ گس ءَ در کپتگ ءُ دیم پہ میناز ءَ روگ ءَ بوتگ کہ آوار جنگ ءُ بیگواه کنگ بیتگ۔
کشگ بیتگیں دل جان ءِ بابت ءَ گوشگ بوگ ءَ اِنت کہ چار سال پیش ھم زوربیگواه کنگ بیتگ ءُ پد ءَ چار ماه ءَ رند یل کنگ بیتگ۔
هندی مردمانی گوشگ اِنت که دل جان بلوچ ءِ آوار جنوک ءُ کشوک ریاستی کشنده ٹولی ءِ کارمند بنت۔
