اسلام آباد ءَ بلوچ یکجھتی کمیٹی ءِ سروک ءُ زور بیگواھیں مردمانی کھولانی زھرشانی ءَ ھبدہ روچ سرجم بیتگ کہ انگت برجاہ اِنت۔ چو مدامی وڑ ءَ سانمندیں کھولاں مرچی ھم روانکے کش اتگ ءُ پہ وتی لوٹانی ھکءَ اوگام جتگ ءُبی وائی سی ءِ سروکاں ھوار درسیں بیگواھیں مردمانی آجوئی ءُ زوریں بیگواھیءِ بند کنگ ءِ لوٹ کرتگ۔
آیانی گوشگ اِنت کہ اسلام آباد ءَ مئے زھرشانی ءَ ھبدہ روچ سرجم بیتگ بلے انگت ءَ پہ مئے لوٹانی منگ ءَ چہ سرکار ءِ نیمگ ءَ ھچ وڑیں گامگیج زورگ بوگ ءَ نہ اِنت۔ چہ ریاستی اڑاند ترندیں گرم ءُ چہ سرکار ءِ نا در رسی ءَ ابید ھم ما پرایمن ایں۔
آیاں گوشتگ کہ اگاں انساپ ءِ در بند بہ بنت گڑا دگہ ھم آمیدگس جوڑ بنت۔ اے زھرشانی ءِ منانک اِنت کہ تو مارا بے توار کرت نہ کن ئے۔ دانکہ مئے لوٹ منگ نہ بیتگ اَنت ما وتی زھرشانی ءَ برجاہ دار ایں۔
