بارکان | گوادر: پاکستانی پوج ءُ سی ٹی ڈی ءَ شش مردم آوار جتگ ءُ بیگواه کرتگ۔
بنشون ءِ رد ءَ دوشی ادار یک ءَ سی ٹی ڈی ءِ کارمنداں بارکان ءِ ھند رکنی ءَ نیشنل پارٹی ءِ سروک ءُ یونین کونسل کچ بگاؤ ءِ سرکماش میا ھان گڈیانی ءِ گس ءَ بیڑ برتگ میاھان گڈیانی گوں آئی زھگ سلال ھان ءُ برازتک ستار ھان ءَ آوار جتگ ءُ بیگواه کرتگ۔
کھول ءِ رد ءَ سی ٹی ڈی ءَ بے موکل ءَ گس ءَ بیڑ برتگ که اے کاروائی نه تھنا انسانی ھکانی پادمالی اِنت بلکیں آیاں مردمانی گچین کرتگیں جھگیر ھم کم شرپ کرتگ۔
ھمے وڑ ءَ دوشی ریاستی کارمنداں چه رکنی ءِ شھر ءَ گل میر نامیں ورنایے ھم آوار جتگ ءُ بیگواه کرتگ.
ھمےوڑ ءَ پاکستانی پوج ءَ چه گوادر ءِ ھند جیمڑی ءَ مھمد ء رھمت ءُ ابراھیم ء ھنیپ آوار جتگ ءُ بیگواه کرتگ اَنت۔
