بلوچستان لبریشن پرنٹ ( بی ایل ایپ ) ءَ چہ وتی تندجاه آشوب چینل ءَ آپریشن بام ءِ اُرشانی تامربند شنگ کرتگ.
شنگ کنگ بیتگیں تامربند ءَ بی ایل ایپ ءِ سرمچار بلوچستان کوھی دمگاں گوں نوک ءُ ٹوھیں سلاھاں ھیلکاری ءُ ھمے وڑ ءَ بلوچستان ءِ جتائیں ھنداں پاکستانی پوج ءُ آئی ءِ شوربندیانی بگیری ءَ کاروائی ءَ گندگ بنت.
چه بی ایل ایپ ءِ نیمگ ءَ شنگ کنگ بیتگیں تامربند ءَ گندگ بیت که سرمچار بلوچستان ءِ مزنیں شھدگانی سر ءَ اوشتاتگ ءُ پٹ ءُ پول کنگ ءَ اَنت ، چه ایشی ءَ اَبید بی ایل ایپ ءِ سرمچار زورگریں پاکستانی پوج ءِ چوکی ، بنجل ءُ کاروانانی سر ءَ اُرش کنگ ءَ تچک ءَ گندگ بنت.
چوش که 10 جولائی ءَ بی ایل ایپ ءِ جارکش میجر گھرام بلوچ ءَ وتی شنگ کرتگیں درشانے ءَ بلوچستان ءِ جتائیں ھنداں آپریشن بام ءِ بندات بوگ ءِ جار جتگ اَت ، آپریشن بام ءِ آسر ءَ بلوچستان ءِ 25 دمگ ءَ 84 جتائیں اُرش کنگ بیتگ اَت۔
جارکش ءَ گوشتگ که اے اُرشاں پاکستانی پوج ، چیریں اداره ءُ ریاستی شوربندی نشانگ کنگ بیتگ اَنت ، آپریشن بام ءِ اُرشانی درچ ءَ 59 کارمند مرتگ ءُ 51 ءَ گیش ٹپی بیتگ ۔
