اسلام آباد: بلوچ یکجھتی کمیٹی ءِ سروک ءُ بیگواھیں مردمانی کھولانی زھرشانی پازدھمی روچ ءَ نیشنل پریس کلب ءِ ڈن برجاہ بوتگ۔
مرچی جاوید ھاشمی ءُ اے این پی ءِ سروک ءُ انسانی ھکانی کارکن اپراسیاب کٹک زھرشانی جاہ ءَ آتکگ اَنت ءُ گوں بیگواھیں مردمانی کھولاں ھمدردی درشان کرتگ۔
بی وائی سی ءَ گوشتگ کہ چہ گوستگیں پازدہ روچاں برجاھیں زھرشانی کنوکانی گپانی گوش دارگ ءَ ابید اے سانمندیں کھول زوراکیانی دیمپانی کنگ بوگ ءَ اَنت۔ ھما مردم کہ اھوالکار نہ اَنت۔ آ نزیک ءَ کاینت ءُ زھرشانی ءَ بھر زرتگیں مردمانی تامر جوڑ کن اَنت ءُ گیشتر ورنا ءُ نودربرانی ترسینگ ءُ آیاں بیھار دیگ ءِ جھد ءَ کن اَنت۔
آئی گوشتگ کہ دومی نیمگ ءَ پریس کلب ءَ روکیں دگ بند اَنت اے گرم ءَ کھولاں گدان جنگ ءِ موکل دیگ ءَ نہ اَنت۔ بلے چہ ایشی ءَ ابید اے کھول انگت مھکم اَنت ءُ وتی گھگیری اِش برجاہ داشتگ۔
بی وائی سی ءَ چہ اھوالکار، انسانی ھکانی کارکن ءُ گوں آدگہ درسیں باسمائیں مردماں زھرشانی نندانک ءَ بھر زورگ ءِ لوٹ کرتگ ءُ گوشتگ کہ اے سانمندیں کھولانی توار جوڑ بہ بہ اِت ءُ گوں آیاںھمدردی ب کن اِت۔
