کیچ: ناسرآباد ءَ پاکستانی پوج ءَ لشکر کشی ءِ میانءَ پنچ مردم آوار جتگ۔
بنشون ءِ رد ءَ بیگواہ کرتگیں مردمانی نام پیروز بلوچ ء داد مھمد، سگیر بلوچ ء داد مھمد، زریپ بلوچ ء امین، پدا بلوچ ءُ ھلال بکش بلوچ اِنت کہ پاکستانی پوج ءَ جتائیں گساں بیڑ برگ ءِ میان ءَ آوار جتگ ءُ بیگواہ کرتگ اَنت۔
دومی نیمگ ءَ ھیر آباد ءَ پاکستانی پوج ءَ بیڑ برتگ ءُ گس پٹ ءُ پول کرتگ اَنت۔ اود ءَ انگت ءَ دگہ آوارجنی ءِ ھال نیست۔
