بلوچ ریبپلکن گاڑد ( بی آر جی ) ءِ جارکش دوستین بلوچ ءَ وتی شنگ کرتگیں درشانے ءَ گوشتگ کہ مئے سرمچاراں 27 جولائی ءِ شپ ءَ بلوچستانءِ دمگ کچی ءِ ھند ڈاڈر ءَ ایریگیشن کارگس ءِ نزیک ءَ پاکستانی پولیس گوں دستی بمب ءَ نشانگ کرتگ۔ اے ارش ھما وھد ءَ کرتگ کہ آ کارگس ءِ دیم ءَ ڈیوٹی ءَ بیتگ اَنت۔ تراک ءِ آسر ءَ زورگریں پولیس ءَ جانی ءُ مالی تاوان بیتگ۔
آئی ءَ گوشتگ کہ دوشی بی آرجی ءِ سرمچاراں راجن پور ءِ ھند مرگائی ءَ36 انچ ءِ گیس پائپ لائن گوں تراکناکیں شورھاں تباہ کرتگ۔
آئی ءَ گوشتگ کہ ھمے وڑ ءَ دوشی مئے سرمچاراں سھبت پور ءِ ھند جرو ءَ سرکاری دگ ءِ کار کنوکیں شرکت ءِ مشین ءُ سامان تیرگواری کرتگءُ سکا تاوان داتگ اَنت۔
دوستین بلوچ ءَ اے ارشانی زمہ واری من اتگ ءُ گوشتگ کہ مئے اے وڑیں کاروائی داں بلوچستان ءِ آجوئی ءَ برجاہ بنت۔
