بلوچ یکجھتی کمیٹی ءَ وتی شنگ کرتگیں درشانے ءَ گوشتگ کہ بلوچ سیاسی کارکن امران بلوچ چار ماہ پیش تھری ایم پی او ءِ رد ءَ دزگیر کنگ بیتگ ءُ گڈانی زندان ءَ برگ بیتگ، آ انگت ءَ بندیگ اِنت۔
آئی ءَ گوشتگ کہ امران بلوچ زندان ءَ چہ بنکی انسانی ھکاں زبھر اِنت۔ آئی ءَ نہ تھنا درمان دیگ بوگ ءَ نہ اِنت بلکیں امران بلوچ سکا سسائی ءُ جانی آزارانی نشانگ بوگ ءَ اِنت۔ شپ ءُروچ آئی ءَ چارگ ءَ اَنت ءُ آئیءَ بیست ءُ چار اداراں یک کوٹی یے ءِ تہ ءَ بند کنگ ءَ اَنت، اود ءَ رژنائی، گوات ءُ چہ شریں ورگ ءَ زبھر اِنت۔
آئی ءَ گوشتگ کہ امران بلوچ ءِ کھول یا وکیل ءَ آئیءِ گون ءَ گندُک ءَ نیلگ ءَ اَنت ءُ آئی جان سلامتی ءِ بابت ءَ ھچ ھال نیست، چہ ایشی ءَ پہ آئی زندگی ءَ ترس اِنت۔
آئی ءَ گوشتگ کہ ما گوں انسانی ھکانی ادارھاں لوٹ کن ایں کہ آ اے رستری رویشت ءِ بابت ءَ دلگوش نہ دے اَنت ءُ امران بلوچ ءِ زوتیں یل کنگ ءَ وتی کرد ءَ پیلو بہ کن اَنت۔
