روکپتی بلوچستان: دوشی پاکستان ءَ شستون ( سروان) ءُ ھک آباد ءَ میزائل اُرش کرتگ۔
اُرشاں باز گس نشانگ کنگ بوتگ ءُ اُرشانی آسر ءَ زھگ ءُ جنیناں ھوار باز مردم ءِ بیرانی ءِ ھال اِنت۔ ھک آباد ءَ شھید بوتگیں مردمانی نام نجمہ، بابر دوست، ھانی دوست ءُ چراگ دوست ءُ ماھکان انت۔ انچوش گوش بوگ ءَ اِنت کہ بیران بوتگیں مردمانی کچ دہ بیت۔
ھندی بنشون ءِ رد ءَ اولی ڈرون اُرش شپ ءِ چار ءَ بوتگ اے اُرش ءِ آسر ءَ باز زھگ ءُ جنین بیران بوتگ۔ سھب ءِ شش ءِ نزیک ءَ مردم پہ لاشانی کشگ ءَ مردم مچ بوتگ اَنت آ پد ءَ گوں ڈرون اُرش ءَ نشانگ کنگ بوتگ اَنت۔
پاکستان ءِ دری کارانی وزیر ءَ وتی شنگ کرتگیں درشان ءَ گوشتگ کہ پاکستان ءَ مرچی سھب ءَ ایرانی بلوچستان ءَ بلوچ آجوئی لوٹوکیں سلاہ بندیں گلانی بندر نشانگ کرتگ اَنت ءُ اُرش بندات اَنت۔
آئی گوشگ اِنت کہ انٹیلی جنس ءِ بنیاد ءَ کاروائی کرتگ کہ ایشی نام “ مرگ بر سرمچار“ اِنت۔
