اسلام آباد: بی وائی سی ءِ سروک ءُ بیگواھیں مردم کھولانی زھرشانی یازدھمی روچ ءَ براہ بیتگ۔ بلے پاکستانی سرکار ءِ نیمگ ءَ زوراکی یکشل ءَ برجاہ اَنت۔
اسلام آباد پولیس ءَ پریس کلب ءَ روکیں دگانی سر ءَ ٹٹ جتگ ، بس اوشتارینتگ ءُ بند کرتگ انت۔ اے گرم ءَ پولیس زھرشانی کنوکاں ٹینٹ جنگ ءَ نیلگ ءَ اِنت کہ چہ ایشی سوب ءَ ھمک روچ جنین ءُ زھگ تسلگ ءَ اَنت۔ اے گرانیں جاوراں ابید زھرشانی کنوک وتی لوٹانی سر ءَ اوشتاتگ انت۔
زھرشانی کنوکاں گوشتگ کہ مئے ترسینگ روچ پہ روچ ءَ گیش بوگ ءِ اِنت، چیریں ادارھانی کارمند زھرشانی کنوکانی موکل ءَ ابید تامربند جوڑ کنگ ءَ اَنت۔ زھرشانی جاہ ءَ تر ءُ گرد کن اَنت ءُ داں گس ءَ مردمانی رندگیری ءَ کن اَنت ۔
زھرشانی کنوکیں مردمانی گوشگ اِنت دانکہ مئے لوٹ منگ نہ بیتگ اَنت ما وتی زھرشانی ءَ برجاہ دار ایں۔
