جنیوا: کوام متھدہ ءِ انسانی ھکانی پھازداریں جھگیر میری لاولر ءَ بلوچ وومن پورم ءِ سروک ڈاکٹرشلی بلوچ ءِ دزگیری ءِ سرءَ بژن درشان کرتگ۔
آئی ءَ گوشتگ کہ ڈاکٹر شلی بلوچ چہ بلوچستان ءِ ھند سربندن ءَ ھما وھد ءَ دزگیرکنگ بیتگ کہ آ گوادر ءَ روگ ءَ بیتگ دانکہ آ بلوچ جنینانی یک دیوانے ءَ بھر بہ زور ایت آ باندا بوگی اِنت۔
میری لاولر ءَ گوشتگ کہ ڈاکٹر شلی بلوچ ءِ دزگیری ءَ ھمے ترس ءَ گیش کنت کہ پاکستان ءَ بلوچ انسانی ھکانی پھازدار گوں ترندی ءَ نشانگ کنگ بوگ ءَ اَنت۔
آئی ءَ گوشتگ کہ اے ویل انچیں وھدے ءَ بیتگ کہ اود ءَ بلوچ کارکنانی بگیری ءَ کاروائی تیز کنگ بیتگ اَنت۔
آئی ءَ گوں پاکستان سرکار ءُ اکوام متھدہ ءَ پاکستانی مشن ءِ گون ءَ لوٹ کرتگ کہ ڈاکٹر شلی بلوچ زوت یل کنگ بہ بیت ءُ انسانی ھک پھریزگ بہ بنت۔
