شال: سی ٹی ڈی ءِ کارمنداں دوشی بیڑ برتگ ءُ ھکیم بلوچ نامیں وکیلے آوار جتگ ءُ بیگواہ کرتگ۔
زرمبش جھگیر ءِ رد ءَ سی ٹی ڈی ءِ کارمنداں دوشی دو ءَ شال ءِ بروری دگ ءَ بیڑ برتگ ءُ ایڈوکیٹ ھکیم بلوچ ء پزل کریم آئی کھول ءِ دیم ءَ آوار جتگءُ بیگواہ کرتگ۔ بیگواھیں ایڈوکیٹ ھکیم بلوچ واشکءِ ھند رکشان ءِ جاہ منند اِنت کہ انوں شال ءَ نشتگ ءُ وکیلی کنگ ءَبیتگ۔
ایڈوکیٹ ھکیم بلوچ ءِ زوریں بیگواھی ءِ گپ بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ راست کرتگ ءُ آئی درکانودی آوار جنی گوں ترندیں دانکاں ایر جتگ ءُ ھکیم بلوچ ءِ زوتیں آجوئی ءِ لوٹ کرتگ۔
