شال: پہ بیگواھیں مردمانی پدجنگ ءَ وی بی ایم پی ءِ شدکشیں زھرشانی گدان ءَ 5888 روچ سرجم بیتگ۔ چارشمبے ءِ روچ ءَ وی بی ایم پی ءِ ایگزیکٹو کمیٹی ءِ باسک نیاز نیچاری گدان ءَ ساڑی بیتگ۔
وی بی ایم پی ءِ سرکماش نسر اللہ بلوچ ءَ وتی شنگ کرتگیں درشانے ءَ گوشتگ کہ ماہ جبین ءَ ڈیھ ءِ ادارھانی کارمنداں ھمے سال ءِ 29 مئی ءَ چہ در سرکاری نادراھجاہ ءِ ھاسٹل ءَ آوار جنگ ءَ پد بیگواہ کرتگ۔ ماہ جبین بلوچ ءِ زوریں بیگواھی ءَ 54 روچ سرجم بیتگ انگت ءَ نہ آمیدگس ءَ پیش کنگ بیتگ ءُ نہ آئی کھول ءَ آئی بابت ءَ سرپدی دیگ ءَ اَنت۔
نسر اللہ بلوچ ءَ گوں سرکار ءُ ڈیھ ءِ ادارھانی سروکاں لوٹ کرتگ کہ اگاں ماہ جبین چونیں ھم درکانودی کارے ءَ ھوار اِنت گڑا آمیدگس ءَ پیش کنگ بہ بیت، بے میار اِنت زوت یل کنگ ءُ آئی کھول چہ درد ءُ اندوھاں کشگ بہ بیت۔
