چاگے ءِ ھند نوکنڈی ءَ چہ پاکستانی پوج ءِ تیرگواری ءَ زمیاد گاڑی یے ءِڈرائیور بیران بیتگ کھول ءَ زھرشانی ءَ دگ بند کرتگ۔
بنشون ءِ رد ءَبیران بیتگیں ڈرائیور ءِ نام شاہ دُر ء امان اللہ اِنت کہ آئی زمیاد گاڑی ھالی بیتگ بلے ایپ سی ءَ نشانگ کرتگ ءُ کشتگ۔ ویل ءَ پد مردماں باب امر دگ ءَ زھرشانی کرتگ ءُ دگ بستگ۔
ماں چاگردی رسانکدر ءَ شنگ بیتگیں تامربندانی تہ ءَ گندگ بیت کہ پاکستانی پوج زھرشانی کنوکانی سر ءَ تیرگواری کنگ ءَ اِنت چہ ایشی ءِ آسر ءَ جاور گنتر بیتگ اَنت۔
کشگ بیتگیں ڈرائیور شاہ در ءِ بابت ءَ گوشگ بیت کہ پوج ءَ تیرگواری کنگ ءُ کشگ ءَ پد آئی کھول لاش ءِ نزیک ءَ روگ ءَ نہ اشتگ۔
زھرشانی کنوکیں مردمانی گوشگ اِنت کہ شاہ دُر ءِ کوش ءَ ھواریں پوج ءِ کارمند گرگ بہ بنت ءُ آئی لاش کھول ءِ دستءَ دیگ بہ بیت۔
