اسلام آباد ءَ بلوچ یکجھتی کمیٹی ءِ بندیگیں سروک ءُ زور بیگواھیں مردمانی کھولانی نیمگ ءَ مرچی سیمی روچ اِنت کہ اسلام آباد پریس کلب ءِ دیم ءَ زھرشانی نندانک برجاہ اِنت۔
زھرشانی نندانک ءَ اھوالکار، وکیل، سیاسی ءُ انسانی ھکانی کارکن پہ ھمدردی درشان کنگ ءَ زھرشانی نندانک ءَ اتکگ اَنت۔ اے وھد ءَ بازیں کچے ءَ مردم زھرشانی ءَ نشتگ اَنت کہ آیانی تہ ءَ جنین ءُ زھگ ھوار اَنت۔
زھرشانی ءَ نشتگیں مردمانی لوٹ ھمیش اَنت کہ بی وائی سی ءِ سروک زوت یل کنگ بہ بنت ءُ بلوچستان ءَ زوریں بیگواھی ءُ سیاسی کارکنانی دزگیری زوت بند کنگ بہ بیت ءُ درسیں بیگواھیں مردم یل کنگ بہ بنت۔
آیانی گوشگ اِنت دانکہ مئے لوٹ منگ نہ بیتگ اَنت ما وتی زھرشانی نندانک ءَ برجاہ دار ایں۔
