بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ وتی شنگ کرتگیں درشانے ءَ گوشتگ کہ ازمت رند پاکستانی پوج ءَ آوار جتگ ءُ آزار داتگ ءُ کشتگ۔
آئی ءَ گوشتگ کہ ازمت رند ء امیر بکش رند ڈیرہ مراد جمالی ءِ جاہ منند اِنت 5 جون 2025 ءَ چہ نسیر آباد ءِ ھند سبزی منڈی ءِ نزیک ءَ پاکستانی پوج ءَ آوار جتگ ءُ بیگواہ کرتگ۔
پانک ءِ گوشگ اِنت کہ داں ماھے ءَ گیش درکانودی بندیگی ءَ پد نُھ جولائی ءَ پاکستانی پوج ءَ آئی کھول ھال داتگ کہ ازمت رند آزارانی میان ءَ چہ ٹپی بوگ ءِ سوب ءَ بیران بیتگ۔ آئی لاش چہ کھول ءِ دست ءَ دیگ ءَ ابید پوج ءَ نسیر آباد ءِ دوریں ھند چتر ءَ چیریں جاھے ءَ کل کرتگ۔ اے مذھبی ءُ دودمانی واک ءِ تچک ءَ بگیری اِنت۔
آئی ءَ گوشتگ کہ ازمت رند ءِ درکانودی کوش بلوچستان ءَ برجاھیں ریاستی پالیسانی بھر اِنت ءُ چہ ایشی ءَ لس مردم زور بیگواہ کنگءُ پوج ءِ آزار جاھاں زوراکیانی نشانگ کنگ ءُ گیشتر کشگ بنت۔
