شال: بلوچ یکجھتی کمیٹی ءِ سروک ڈاکٹرماہ رنگ بلوچ گوں ھمراھاں ناشرکاری ءِ گر ءُ دارکنوکیں آمیدگس ءَ پیش کنگ بیتگ۔ چہ پولیس ءِ لوٹ ءِ پد ءَ پہ دگہ پانزدہ روچ ءَ ریمانڈ ءَ پولیس ءِ دست ءَ دیگ بیتگ اَنت۔
اے بابت ءَ ماں رسانکدر ءَ شنگ بیتگیں تامربندے ءَ ڈاکٹر ماہ رنگ بلوچ ءِ گوشگ اِنت کہ ما پیسر ءَ چہ آمیدگسءِ پرمان ءَ پہ دہ روچ ءَ پولیس ءِ دست ءَ دیگ بیتگ ایں چہ ایشی ءَ ابید ما چہ درسیں انسانی ھکاں زبھر بیتگ ایں۔ مئے کھول پہ گندُک ءَ دارگ ءُموکل دیگ نہ بیتگ اَنت۔پہ وکیل نامگانی دزرند کنگ ءَ ھم یل نہ داتگ اَنت۔
ڈاکٹر ماہ رنگ بلوچ ءَ گوشتگ کہ سرجمیں بلوچستان ءِ ایپ آئی آر مئے سر ءَ نبیسگ بیتگ پہ ایشی ءَ وکیل نامگانی دزرند کنگ ھژدری بیتگ بلے زندان ءِ سپرٹنڈنٹ ءَ مئے دیم ءَ ھمے بھتام جتگ کہ جج ءءَ مکن کرتگ چونیں ھم وکیل نامگے دز رند کنگی نہ اِنت۔
آئی ءَ گوشتگ کہ ما زندان ءَ آیانی رویشتانی بگیری ءَ پہ شدکشیں ھرتال ءَ لاچار بیتگ ایں۔
