بلوچ نیشنل موومنٹ ( بی این ایم ) ءِ انسانی ھکانی اداره پانک ءَ وتی شنگ کرتگیں درشانے ءَ گوشتگ که 13 جولائی 2025 ءِ شپ ءَ بجار بلوچ ءِ زھگ گلام جان پاکستانی پوج ءِ چیردستیں ریاستی سروکی ءَ کشنده ٹولی ءِ کارمنداں چه آئی گس ءَ کرکی ئیں کڈ ، کولواه ، آواران ءَ بیگواه کرتگ ، لھتیں اَداراں آئی ءِ تیر سپتگیں لاش کلی ءِ دمگ ءَ دزکپتگ۔
آئی ءَ گوشتگ که گلام جان ءِ بُنکی ھنکین کوہ ءِ اِنت ، بلے آئی کھول پاکستانی پوج ءَ لڈینگ ءَ لاچار کرتگ۔ کولواه ءَ یکیں ماه ءِ میان ءَ اے پنچمی درکانودی کوش اِنت۔
پانک ءَ درشان ءِ گڈی ءَ اے رستری کار گوں ترندیں دانکاں ایر جتگ ءُ گوشتگ که بلوچستان ءَ برجاھیں جنگی میارباری ءُ ناشریں آزارانی زمه وار پاکستانی پوج ءُ آئی ءِ پراکسی کشنده ٹولی اَنت۔
