پاکستانی پوج ءَ بلوچ یکجھتی کمیٹی ءِ سروک ڈاکٹر سبیہ بلوچ ءِ گس ءَ بیڑ برتگ ءُ گوں کھول ءَ زوراکی کرتگ۔
پاکستانی پوج ءِ بیڑ برگ ءِ گپ ڈاکٹر سبیہ بلوچ ءَ راست کرتگ ءُ ریاستی زوراکی گوں ترندیں دانکاں ایر جتگ۔
آئی ءِ گوشگ اِنت پوج ءَ انشپی ھپت ءِ نزیک ءَ آئی گس ءَ بیڑ برتگ ءُ ھمے میان ءَ گوں کھول ءَ زوراکی کرتگ۔
چوش کہ ڈاکٹر سبیہ بلوچ ءِ پس پاکستانی پوج ءَ ماھے پیش آوار جتگ ءُ بیگواہ کرتگ اَت کہ انگت ءَ بیگواہ اِنت۔
ڈاکٹر سبیہ بلوچ ءِ گوشگ اِنت کہ آئی ءِ گون ءَ پمشکا یکشل ءَ زوراکی کنگ بوگ ءَ اِنت آ بلوچ یکجھتی کمیٹی ءَ یل بہ کنت یا وت ءَ دزگیر بہ کناھین ایت۔
بی وائی سی ءِ سروک ءَ گوں میان استمانی انسانی ھکانی ادارھاں لوٹ کرتگ کہ آ ریاستی زوراکیانی بگیریءَ توار چست بہ کن اَنت۔
