بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که 15جولائی ءِ سھب ءِ ھپت ءُ نیم ءَ کلات ءِ ھند ھزینی ءَ شال کراچی ءِ مزنیں شھدگ ءَ یک سوبمندیں کاروائی ءَ پاکستانی پوج ءِ گاڑی یے گوں چیر کرتگیں شورھاں نشانگ کرتگ که ایشی آسر ءَ گاڑی تباه بیتگ ءُ سواریں چار کارمند مرتگ ءُ دو ٹپی بیتگ۔
آئی ءَ گوشتگ که دگه یک کاروائی یے ءَ بی ایل ایپ ءِ انٹیلی جنس ونگ ءِ ھال دیگ ءِ بنیاد ءَ ءَ پیسر ءَ سنگر گپتگیں سرمچاراں 16 جولائی ءَ جاھو ءِ ھند گجرو کور ءَ زورگریں پاکستانی پوج ھما وھد ءَ نشانگ کرتگ که آ سرمچارانی دست ءَ گپتگیں راشنانی گاڑی ءِ رندگیری ءَ کوھی دمگانی پترتگ ءِ جھد ءَ کنگ ءَ بیتگ اَنت۔
جارکش ءَ گوشتگ که شوربندی ءِ رد ءَ دژمن ءِ سے پرپٹانی سواریں کارمند نشانگ کرتگ اَنت ، ایشی آسر ءَ پاکستانی پوج ءِ میجر سید رب نواز تارک ( ساکن مزپرآباد ، کشمیر ) ءَ هوار شش کارمند جاهی مرتگ ، کمو دور ءَ پوجی کاروان ءِ آدگه کارمند سرمچارانی اسنائپر ٹیم ءَ نشانگ کرتگ اَنت که ایشی آسر ءَ دژمن پدکنز بوگ ءَ لاچار بیتگ۔
آئی ءَ گوشتگ که زورگریں پاکستانی پوج ءَ وتی مدامی وڑ ءَ رسانکدر ءَ دروگیں ٹاپار جتگ که میڑ ءَ سے سرمچار کشگ بیتگ بلے چوناھا سرمچار چه سوبمندیں اُرش ءَ پد په سلامتی وتی مھکمیں بندراں سر بیتگ انت. بیت کنت که دژمن ءَ په وتی پروش ءِ چیر دیگ ءَ زوربیگواه کرتگیں بلوچ یا لس شھری نشانگ کرتگ اَنت انچش که پیسر ءَ هم سرمچارانی دست ءَ پروش ورگ ءِ بیر ءَ اے وڑیں دروگیں میڑاں مردم کشتگ اَنت۔
میجر گوهرام بلوچ ءَ درشان ءِ گڈی ءَ کلات ءُ جاھو ءَ پاکستانی پوج ءِ سر ءَ اُرشانی زمه واری من اتگ ءُ گوشتگ که داں پاکستانی پوج ءِ سرجم ءَ درآھگ ءَ کاروائیانی برجاه دارگ ءِ کول ءَ کن ایں۔
