بلوچ لبریشن آرمی (بی ایل اے) ءِ جارکش جیھند بلوچ ءَ گوشتگ کہ کلات ءُ شال ءَ دو جتائیں اُرشاں پاکستانی پوج نشانگ کرتگ۔ کلات ءَ چیریں ھالے ءِ پد ءَ کاروائی کرتگ ءُ زورگریں پاکستانی پوج ءَ باز تاوان داتگ۔ شال ءَ پاکستانی پوج گوں تراکناکیں شورھاں نشانگ کرتگ۔
جارکش ءَ گوشتگ کہ بی ایل اے ءِ پتے اسکواڈ ءَ کلات نیمرگ دوراھی ءَ زورگریں پاکستانی پوج ءِ کارمندانی بروکیں یک بسے اُرش ءَ نشانگ کرتگ۔ سرمچاراں اے کاروائی بی ایل اے ءِ چیریں بھرگ زراب ءِ ھال دیگ ءِ پژدر ءَ کرتگ۔
آئی گوشتگ کہ زراب ءَ بس ءِ سر ءَ دیر اِنت کہ وتی چم سک داتگ اَنت کہ پاکستانی پوج ءِ کارمنداں چہ کراچی ءَ شال ءَ برگ ءَ بوتگ۔ اُرش ءَ زورگریں پوج ءِ 27 کارمند جاھی مرتگ ءُ باز کارمند ٹپی بوتگ کہ چہ آیاں سکا ٹپی ایں ھم ھوار اِنت۔
جارکش ءَ گوشتگ کہ بس ءَ کوالی گشندہ ھم سوار بوتگ کہ آ مئے نشانگ ءَ نہ بوتگ اَنت بلے آ گوں زورگریں پوج ءِ کارمنداں ھوار سپر کنگ ءَ بوتگ اَنت۔ اے درگت ءَ ما پیسر ءَ گوشتگ کہ چہ زورگریں پوج ءَ وت ءَ دور بہ دار اِت ءُ وت ءَ چہ تاوان ءَ بہ رکین اِنت۔
ھمے وڑ ءَ بی ایل اے ءِ سرمچاراں شال ءِ ھند ھزار گنجی ءَ زورگریں پاکستانی پوج ءِ گاڑی گوں تراکناکیں شورھاں نشانگ کرتگ۔ چہ ایشی آسر ءَ زورگریں پوج ءِ دو کارمند مرتگ ءُ ھپت کارمند ٹپی بوتگ۔
جارکش جیھند بلوچ ءَ اے اُرشانی زمہ واری من اتگ ءُ گوشتگ کہ اے کاروائی زورگریں پاکستانی پوج ءِ بگیری ءَ مئے سلاہ بندیں جھد ءِ بھر اَنت کہ پہ بلوچستان ءِ آجوئی ءَ برجاہ اِنت۔ ما گوں بلوچ مھلوک ءَ یک برے پد ءَ لوٹ کن ایں کہ آ زورگریں پوج ءُ چہ آئی شوربندیاں وت ءَ دور بہ دار اَنت۔ دانکہ چونیں ھم مردمے ءَ تاوان مہ بیت۔ ما اے کول ءَ دوبر کن ایں کہ دانکہ مئے سرزمین ءِ ایردستی ھست ما وتی گھگیری ءَ برجاہ داریں ءُ دژمن ءَ ھر جاہ ءَ آئی زوراکیانی پسو ءَ دے ایں۔
