زور بیگواھیں میر تاج مھمد سرپرہ ءِ لوگبانک سالیہ مری ءَ وتی شنگ کرتگیں تامربندے ءَ گوشتگ کہ منی لوگواجہ میر تامھمد سرپرہ ءَ 19 جولائی 2020 ءَ چہ کراچی ءَ پاکستانی چیریں ادارھانی کارمنداں بیگواہ کرتگ۔
آئی ءَ گوشتگ کہ منی لوگواجہ ءِ زوریں بیگواھی ءَ پنچ سال سرجم بوگ ءَ اِنت آئی ھچ وڑیں ھال نیست کہ چون ءُ کج ءَ اَنت۔ میر تاج مھمد سرپرہ ءَ ھوار پہ درسیں بیگواھیں مردمانی آجوئیءَ ما لندن ءَ 10 ڈاؤننگ اسٹریٹ ءِ دیم ءَ یک شمبے ءِ روچ ءَ 20جولائی دو ءَ داں بیگاہ ءِ پنچ ءَ زھرشانی کنگ ءَ ایں ۔
سالیہ مری ءَ گوشتگ کہ من گوں درسیں مردماں لوٹ کن آں کہ آ اے زھرشانی ءَ بھر بزور اَنت ءُ میرتاج مھمد سرپرہ ءَ ھوار پہ درسیں بیگواھیں مردمانی آجوئی ءَ توار چست بہ کن اَنت کہ آ پاکستانی پوج ءُچیریں ادارھانی آزار جاھاں بندیگ اَنت۔
