بلوچ لبریشن آرمی ( بی ایل اے ) ءِ جارکش آزاد بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که انور لھڑی بی ایل اے ءَ راجدروھی ءِ رد ءَ چاریگی کنگ ءِ میار ءَ دو ماه پیش دزگیر کرتگ ، گل ءِ جست ءُ پرس ءُ آمیدگس ءِ کاروائیاں پد گل ءَ انور لھڑی ءِ مرگ ءِ سزا ءِ پیسله داتگ که ایشی سر ءَ یکشمبے 13 جولائی کلات ءِ ھند نگور کانی ءَ کار کنگ بیتگ۔
آئی ءَ گوشتگ گه جست ءُ پرس ءِ میان ءَ انور لھڑی ءَ بازیں کچے ءَ بلوچ ورناهانی چاریگی ءُ پوج ءِ دست ءَ زوربیگواه کنگ ءَ هوار ، پوجی آپریشن ءُ سنگتانی شھیدی ءَ ھوار بوگ من اتگ. انور لھڑی ءَ دگه بازیں ھندی ءُ در ملکی کارمندانی بابت ءَ هال گل ءِ دیم ءَ پیش کرتگ اَنت ، چه چاریگ ءَ دزکپتگیں درسیں ھال گل ءَ جست ءُ پرس ءَ پد راست کرتگ اَنت۔
جارکش ءَ گوشتگ که گل اے گپ ءَ تچک ءَ گوش ایت که کلات ءُ کش ءُ کراں چوش که نرمک ، جوھان ، ناگاھو ، نگور کانی ءُ آدگه ھنداں کارکنوکیں چاریگ ءُ چریکانی نام مارا دزکپتگ اَنت ، آ مئے نشانگ ءَ اَنت ءُ زوت وتی گڈی آسر ءَ سر بنت۔
