آواران ءِ ھند جاھو ءَ پجار نہ بیتگیں سلاہ بندیں مردماں پاکستانی پوج ءِ راشن بروکیں گاڑی گوں بار ءَ برتگ۔
زرمبش جھگیر ءِ رد ءَ سلاہ بندیں مردماں زی چہ جاھو ءِ نورا گوٹ ءَ گاڑی ھما وھد ءَ گوں راشناں گپتگ کہ آ پہ جاھو ءِ بری ھندانی بنجلاں راشن برگ ءَ بیتگ۔
ھندی بنشون ءِ رد ءَ چہ گاڑی ءِ برگ ءَ پد جاھو ءِ میتگ کوٹو ءَ پوج ءِ زوراکی برجاہ اِنت۔ پوج نزیکیں میتگانی مردماں یکجاہ کنگ ءُ لٹ دیگ ءَ اِنت کہ شما مارا سرمچارانی ھال نہ داتگ۔
چوش کہ چہ ایشی ءَ پیش ھم جاھو ءَ ھوار بلوچستان ءِ جتائیں ھند ءُ دمگاں پاکستانی پوج ءِ راشن برگ بیتگ اَنت کہ آیانی زمہ واری بلوچ آجوئی لوٹوکیں سلاہ بندیں گلاں منّ اِتگ اَنت، بلے اے کاروائی ءِ زمہ واری انگت ءَ ھچ گل ءَ نہ زرتگ۔
