آواران: چہ مشکے ءَ پاکستانی پوج ءِ دست ءَ زور بیگواہ کنگ بیتگیں مردمے کشگ بیتگ۔
زرمبش جھگیر ءِ رد ءَ کشگ بیتگیں مردم ءِ نام کریم جان ء ازیم اِنت مشکےءِ کوہ ءِ جاہ منند اِنت آ دیر اِنت چہ کوہ ءَ لڈینگ ءُ دمگ ءَ آرگ بیتگ اَنت کندڑی ءَ نشتگ اَنت۔ 22 پروری 2025 ءَ پاکستانی پوج ءَ وتی بنجل ءَ لوٹائینتگ ءُ بیگواہ کرتگ۔ مرچی کشگ ءُ آئی لاش کھول ءَ دست ءَ دیگ بیتگ۔
کشگ بیتگیں کریم جان ءِ بابت ءَ گوشگ بوگ ءَ اِنت چہ ایشی ءَ پیش ھم پاکستانی پوج ءَ 2023 ءَ آوار جتگ ءُ بیگواہ کرتگ داں ھشت ماہ ءَ پوج ءِ چیریں آزار جاھاں بند بوگ ءُ آزار دیگ ءَ پد یل کنگ بیتگ۔
اے آئی دومی رند اِنت کہ بیگواھی ءَ پد آئی لاش چگل دیگ بیتگ۔
چوش کہ بلوچستان ءَ پاکستانی پوج ءِ نیمگءَ زوریں بیگواھی ءُ زور بیگواھیں مردمانی کوش گوں ترندی ءَ برجاہ اِنت۔ تھنا چہ مشکے ءَ ھمے سال ءَ بیست ءَ گیش پوج ءِ دست ءَ زور بیگواھیں مردم کشگ بیتگ اَنت۔
