پلستین: گزہ ءَ چہ اسرائیلی نوکیں بزری ارشاں کم چہ کم دگہ بیست ءُ ھپت پلستینی مرتگ۔
گزہ سرکارءِ گوشگ اِنت کہ چہ اسرائیلی ارشاں کشگ بیتگیں مردمانی تہ ءَ جنین ءُ زھگ ھم ھوار اَنت۔ چہ مرتگیں مردمانی تہ ءَ شش مردم پہ آپ ءِ زورگ ءِ جاہ ءَ مچ بیتگ کہ نشانگ کنگ بیتگ اَنت۔
جھانی رسانکدر ءِ رد ءَ اسرائیل ءَ دوشی ءُ داں سھب ءَ بمبگواری کرتگ۔ گزہ شھر ءِ زربار ءَ نسیرات ءَ باھوٹیانی کیمپ ءِ نزیک ءَ گسے ءِ سر ءَ ارش ءَ دہ پلستینی مرتگ ءُ باز ٹپی بیتگ۔ دگہ یک ارشے نسیرات کیمپ ءِ روکپت ءَ بے گسیں مردم آپ ءِ بھر ءُ بانگ کنگ ءِ جاہ ءَ اوشتوک بیتگ اَنت کہ نشانگ کنگ بیتگ اَنت۔ اود ءَ شش مردم مرتگ ءُ باز ٹپی بیتگ۔
