ڈیرہ گازی ھان: گوستگیں روچ ءَ میکتر ءُ کجھوری ءِ میان ءَ سلاہ بندیں مردمانی تیرگواری ءَ کشگ بیتگیں چیریں ادارھانی لاش پنجاپ ءَ دیم دیگ بیتگ اَنت۔
ڈی جی ھان ءِ کمشنر اشپاک اھمد ءَ گوشتگ کہ چہ شال ءَ لاھور ءَ روکیں پنجاپ ءِ جاہ منندیں مردم کہ لورالائی ءَ چہ مساپر بس ءَ پنجاپ ءِ جھمنندیں نوہ مردم ایر کنگ ءُ کشگ بیتگیں نُھ مردمانی لاش سیمسری ھند بواٹہ ءَ پولیٹیکل اسسٹنٹ اسد چانڈیہ دزگپتگ اَنت ءُ آیانی بنکی ھنکین ءَ دیم دیگ بوتگ اَنت۔
آئی گوشتگ کہ چہ کشگ بوتگیں مردماں دو برات جابر ءُ اسمان لودھران ءِ ھند دنیا پور ءِ جھمنند اَنت، مھمد ارپان ڈی جی ھان، سابر گوجرانوالہ، مھمد آسپ مزپر گڑ ءُ گلام سئید جانیوال ءِ جھممند اِنت۔ ءُ مھمد جنید لاھور، مھمد بلال اٹک ءُ بلاول گجرات ءِ جھمنند اِنت۔
چوش کہ اے مردم پاکستانی چیریں ادارھانی کارمند اَنت سلاہ بندیں مردماں چہ پجارگ ءَ پد بس ءَ ایر کرتگ ءُ کشتگ اَنت۔
چو مدامی ئیں وڑ ءَ پاکستان ریاست ءُ پاکستانی رسانکدر آیاں مساپر پیش کنگ ءَ اَنت۔
