شال: بلوچ یکجھتی کمیٹی ءِ سروک ڈاکٹر ماہ رنگ، بیبو بلوچ، گلزادی بلوچ، سبگت اللہ شاہ جی ، بیبرگ بلوچ ءُماما گپار ءِ کھولاں گندک ءَ نیلگ ءَ اَنت۔ آیاں پولیس تانہ ءِ دیم ءَ زھرشانی کرتگ۔
بی وائی سی شال ھنکین ءِ گوشگ اِنت کہ ڈاکٹر ماہ رنگ بلوچ، بیبو بلوچ، گلزادی بلوچ، بیبرگ بلوچ، سبگت اللہ شاہ جی ءُ ماما گپار گوستگیں روچ ءَ پہ دہ روچ ءِ ریمانڈءَ پولیس ءِ دست ءَ دیگ بیتگ اَنت پد ءَ ھما اِنت چل ادار ءَ گیش وھد گوستگ بلے کھولاں گندک ءَ روگ ءَ نئیلگ ءَ اِنت ءُ وکیلاں ھم دارگ ءُ روگ ءَ نئیلگ ءَ اَنت۔ مرچی سرجمیں روچ ءَ کھول زندان ءَ ڈن اوشتاتگ اَنت بلے زندان ءِ انتزامیہ ءَ آیاں گندک ءِ موکل نہ داتگ۔
آئی ءَ گوشتگ کہ اے درکانود ءُ در راھبندی کار ءَ شال پولیس ءِ سروگان، سی ٹی ڈی، دمگی انتزامیہ ءُ بلوچستان سرکار ھوار اَنت۔ کھول پہ بی وائی سیءِ سروکانی زندگی ءُ سلامتی ءَ ترسگ ءَ اَنت۔
آئی ءَ گوشتگ کہ بی وائی سی تچک ءَ گوش ایت کہ اگاں پولیسءُ سی ٹی ءِنیمگ ءَ چونیں ھم زوراکی یے کنگ بوت ءُ کھول چہ گندک ءَ دارگ بوت اَنت گڑا ایشی بگیری ءَ زھرشانی کن ایں۔
