تربت: پاکستانی پوج ءَ شھید نبیل اھمد پنام الی ءِ گس ءَ بیڑ برتگءُ گوں مردماں زوراکی کرتگ۔
زرمبش جھگیر ءِ رد ءَ پوکستانی پوج ءَ دوشی تربت ، گوگدان ءَ شھید نبیل اھمد پنام الی ءِ گس ءَ بیڑ برتگ ءُ گس پٹ ءُ پول کرتگ اَنت۔ بیڑ برگ ءِ میان ءَ پوج ءَ ڈرون کیمرہ ھم گوں بیتگ۔
انگت ءَ دگہ آوارجنی ءِ ھال نیست اے بابت ءَ مئے گیشیں جست ءُ پرس برجاہ اِنت۔
چوش کہ شھید نبیل اھمد پنام الی بلوچ لبریشن آرمی ءِ سرمچارے کہ 29 اپریل 2025 ءَ تربت ڈنک ءَ پاکستانی پوج ءِ گون ءَمیڑ ءَ گوں دگہ دو سنگت پیروز پنام نود بندگ ءُ مھمد اُمر زکا پنام گرو ءِ ھواریءَ شھید بیتگ اَت۔
بی ایل اے ءِ جارکش جیھند بلوچ ءِ رد ءَ اے میڑ ءِ میان ءَ پاکستانی پوج ءِ 13 کارمند مرتگ ءُ باز ٹپی بیتگ۔
چہ اے جنگولانی شھیدی ءَ پد پاکستانی پوج ءَ آیانی لاش نہ داتگ اِت اَنت پہ آیانی لاشانی گرگ ءَ کھولاں زھرشانی کرتگ اَت۔
