بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ سرجمیں بلوچستان ءَ بام آپریشن بندات کرتگ، بام پہ بلوچ راجی آجوئی ءَ نوکیں سھبے ءِ بندات اِنت۔
آئی ءَ گوشتگ کہ چہ تیاب ءَ بگر داں کوہ ءِ سلیمان ءَ بلوچستان لبریشن پرنٹ ( بی ایل ایپ ) ءِ آپریشن بام بندات کنگ بیتگ۔ اے میان ءَ دژمن ءِ سر ءَ ترند ءُ جتائیں اُرش برجاہ اَنت۔
آئی ءَ گوشتگ کہ بی ایل ایپ ءِ آپریشن بام بلوچ آجوئی جنگ ءِ یک نوکیں سھبے ءِ بندات اِنت۔
جارکش ءَ گوشتگ کہ سرجمیں بلوچستان ءَ اے مھکمیں آپریشن ءِ رد ءَ دژمن ءَ گوں مزنیں کچے ءَ جانی ءُ مالی تاوان دیگ ءَ ایں۔
میجر گھرام ءَ گوشتگ کہ آپریشن ءِ سرجم بوگ ءَ پد سرجمیں ھالاں شنگ کن ایں۔
