پنجگور: گرمکان ءَ چہ پجار نہ بیتگیں سلاہ بندیں مردمانی تیرگواری ءَ مردمے مرتگ ءُ یکے ٹپی بیتگ۔
بنشون ءِ رد ءَ کشگ بیتگیں مردم ءِ نام رھمت اللہ ء ھمید اللہ اِنت آئی کستریں برات سئد اللہ سکا ٹپی بیتگ۔ سلاہ بندیں مردماں دوشی یک ءِ نزیک ءَ گرمکان ءَ نشانگ کرتگ اَنت۔
ھندی مردمانی گوشگ اِنت کہ سلاہ بندیں مردماں رھمت ءِ کشگ ءَ پد آئی توپک ھم برتگ۔ مرتگیں مردم ءِ لاش ءُ ٹپی بیتگیں مردم نادراھجاہ ءَ برگ بیتگ اَنت۔ کشگ بیتگیں مردم ءِ بابت ءَ گوشگ بوگ ءَ اِنت کہ آ کشندہ ٹولی ءِ کارمندے۔
پاکستانی پوج ءَ ھمے ارش جاہ انگر کرتگ ءُ پٹءُ پول بندات کرتگ، انگت ءَ دگہ آوار جنی ءِ ھال نیست۔
