آواران ءِ ھند مشکے ءَ پاکستانی پوج ءُ کشندہ ٹولی ءِ کارمنداں چار مردم آوار جتگ ءُ جتگ ءُ بیگواہ کرتگ۔
زرمبش جھگیر ءِ رد ءَ بیگواھیں مردمانی نام مجاھد ء داد کریم، اسد ء اُمر، زریپ ء سالھ مھمد ءُ رشید ء ھدا بکش اِنت کہ لاکی ءِ جاہ منند اَنت۔ پاکستانی پوج ءُ کشندہ ٹولی ءِ کارمنداں 3 جولائی ءِ سھب ءَ بیڑ برتگ ءُ چہ گساں آوار جتگ ءُ بیگواہ کرتگ اَنت۔
چوش کہ پاکستانی پوج ءِ نیمگ ءَ سرجمیں بلوچستان ءَ زوریں بیگواھیانی درچ گوں ترندیءَ برجاہ اِنت ھمک روچ بازیں مردمانی زوریں بیگواھیانی کیس دیم ءَ پیداک اَنت۔
