بلوچستان لبریشن پرنٹ ءِ جارکش گھرام بلوچ ءَ گوشتگ کہ یک جولائی ءِ بیگاہ ادار پنچ ءِ نزیک ءَ بی ایل ایپ ءِ سرمچاراں کولواہ ءِ ھند کنیچی ءَ زورگریں پاکستانی پوج ءِ بنجل ءِ پھاز داری ءَ اوشتوکیں یک کارمندے اسنائپر ءِ سر ءَ نشانگ کرتگ ءُ کشتگ۔ سرمچارانی یک دگہ ٹولی یے ءَ چوکی ءِ سر ءَ گوں ٹوھیں سلاھاں اُرش کرتگ ءُ دژمن گیش جانی ءُ مالی تاوان داتگ۔
آئی گوشتگ کہ 3 جولائی ءِ بیگاہ ءِ ادار پنچ ءُ نیم ءَ بی ایل ایپ ءِ سرمچاراں گورکوپ ءَ پاکستانی پوج ءِ بنجل نشانگ کرتگ۔ ھمے وھد ءَ مارٹر ءِ گولا آس داتگ کہ آ نشانگ ءَ کپتگ اَنت۔ اے اُرش ءَ دژمن ءِ سَے کارمند مرتگ ءُ باز ٹپی بوتگ۔
میجر گھرام بلوچ ءَ وتی درشان ءِ گڈی ءَ کولواہ ءُ گورکوپ ءَ پاکستانی پوج ءِ سر ءَ اُرشانی زمہ واری من اِتگ۔
