تربت: سامی اومری کھن ءِ جاہ منند زور بیگواھیں پولیس کارمند گلا م جان ء سالھ مھمد ءِ کھول ءَ چہ تربت پریس کلب ءَ پریس کانپرنس کرتگ ءُ گوشتگ کہ گلام جان یک پولیس کارمندے چہ وتی ڈیوٹی ءَ واتر آھگ ءَ بیتگ کہ 26 مئی ءَ چہ اتا شاد ڈگری کالج دگ ءَ آوار جنگ بیتگ۔
آئیءَ گوشتگ کہ اے میان ءَ ما داں ھپتگے ءَ زھرشانی ءَ نشتگ ایں، اود ءَ 17 جون ءَ یک بلوچی دیوانے ءِ رد ءَ گوں سرکاری ءُ ھندی مردمانی ٹولی یے ءَ گپ ءُ تران بیتگ کہ آیاں ھمے کول کرتگ کہ یک ھپتگے ءِ میان ءَ گلام جان ء سالھ مھمد آجو کنگ بیت بلے داں مرچی آیاں وتی کول پیلو نہ کرتگ ءُ گلام جان آجو کنگ نہ بیتگ۔
آئی ءَ گوشتگ کہ ما گوں کیچ ءِ کمک دمگدار ءَ لوٹ کن ایں کہ زوت وتی کولءِ پاسداری ءَ بہ کنت ءُ مئے مردم ءَ یل بہ کناھین ایت اگاں نہ ما پہ زھرشانی کنگ ءَ لاچار بہ ایں۔
