دکی ءَ گوستگیں روچاں پاکستانی پوج ءِ دروگیں میڑاں کشگ بیتگیں سے مردم چہ زور بیگواھیں مردمانی نام ءَ پجارگ بیتگ اَنت۔
بنشون ءِ رد ءَ آیانی نام سوبت مریء کمیں مری، وزیر ھان مری ء ریھان مری ءُ ھیدر الی مری ء وزیراھمد مری اِنت۔ اے مردم چہ بارکان ءُ چمالنگ ءَ جتائیں وھداں آوار جنگ ءُ بیگواہ کنگ بیتگ اَنت۔
سوبت مری گوستگیں روچاں بارکان بازار ءِ نزیک ءَ چہ پسانی پڑیءَ چیریں ادارھانی کارمنداں آوار جتگءُ گون وت برتگ۔ وزیر ھان مری چمالنگ ءِ ھند کالی کوچ ءِ جاہ منند اِنت کہ پاکستانی پوج ءَ پہ جست ءُ پرس ءَ وتی بنجل ءَلوٹائینتگ ءُ بیگواہ کرتگ۔ الی ھیدر ءَ 24 مئی 2025 ءَ بارکان ءُ کوھلو ءِ میان ءَ ماشااللہ ھوٹل ءِ نزیک ءَ چہ ایپ سی ءِ چوکی ءَ آوار جنگ ءُ بیگواہ کنگ بیتگ۔
اے سے ئیں مردمانی لاش 28 جون 2025 ءَ دکی ءَ نانا ساھب زیارت ءِ نزیک ءَ نرھن کور ءَ دزکپتگ اَنت۔
