شال: وائس پار بلوچ مسنگ پرسنز ( وی بی ایم پی ) ءِ سرکماش نسر اللہ بلوچ ءَ گوشتگ کہ بیگواھیں منیر اھمد رئیسانی ءِ کھول ءِ گوشگ اِنت کہ منیر اھمد رئیسانی ء میر نھال ھان رئیسانی پوج ءَ 25 جون ءَ چہ آر سی ڈی دگ منگچر ءَ درکانودی آوار جنگ ءَ پد چیریں آزار جاھے ءَ بندیگ کرتگ۔
آئی ءَ گوشتگ کہ کھول ءَ گوں گل ءَ گوشتگ مارا منیر اھمد ءِ دزگیری ءِ سوب ھم گوشگ نہ بیتگ ءُ گوشگ ءَ نہ اَنت کہ آ کجام ادارہ ءِ کِر ءَ بندیگ اِنت۔ ایشی ما ایر جن ایں۔
نسراللہ بلوچ ءَ گوں سرکار ءَ لوٹ کرتگ کہ اگاں منیر اھمد ءِ سر ءَ چونیں بھتامے ھست گڑا آمیدگس ءَ پیش کنگ بہ بیت۔ اگاں آ چونیں ھم درکانودی کارے ءَ ھوار اِنت گڑا ڈیھ ءِ کانود ءِ رد ءَ چونیں ھم سزا دیگ بہ بیت بدےما ایشی ءِ گلہ ءَ نہ کن ایں۔اگاں آ بے میار اِنت گڑا پہ آئی آجوئی ءَ زوت دلجمی دیگ ءَ وتی راھبندی کرد ءَ پیلو بہ کن اِت ءُ آئی کھول ءَ چہ اے رنجاں آجو بہ کن اِت۔
