بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل ایپ ءِ سرمچاراں چیریں ھالانی بنیاد ءَ 25 جون ءِ شپ ءَ گوادر ءَ ریاستی انٹیلیجنس نیٹ ورک ایم آئی ءِ یک چیریں بندرے ءِ پترگ ءِ دروازگ ءَ تراکناکیں شورھ چیر کرتگ اَنت ، شپ ءِ ادار ده ءِ نزیک ءَ وھدے که چیریں ادارھانی کارمند وتی اوتاگاں پترگ ءَ بیتگ اَنت دروازگ ءِ سر ءَ چیر کرتگیں شورھ ترک اِتگ اَنت ، تراک ءِ آسر ءَ چیریں ادارھانی یک کارمندے جاھی مرتگ ءُ دو ٹپی سکا ٹپی بیتگ.
آئی ءَ گوشتگ که نشانگ کنگ بیتگیں نیٹ ورک پیسر ءَ چیریں ادارھانی ریٹائرد سروگان اباس ءِ چیردستی ءَ کار ءَ بیتگ که انوں آئی ءِ برات یاکوب ءِ سروکے ءَ گوادر ءِ جتائیں ھنداں چیریں چوکی ءُ چیریں کاروائیانی دروشم ءَ کار ءَ اِنت.
جارکش ءَ گوشتگ که 25 جون ءِ بیگاه ءِ چار ءِ نزیک ءَ بی ایل ایپ ءِ سرمچاراں جاھو ءِ ھند ملائی گزی ءَ زورگریں پاکستانی پوج ءِ برجاھیں چوکی ءِ سر ءَ اُرش کرتگ. اُرش ءَ یکبرے اسنائپر ٹولی ءَ کارمندے نشانگ کرتگ ءُ کشتگ چه ایشی ءَ پد سرمچارانی دومی ٹولی ءَ دژمنیں پوج ءِ سر ءَ گوں راکٹ لانچر ءُ آدگه ٹوھیں سلاھاں اُرش کرتگ که داں نیم اَدار ءَ برجاه بیتگ ، سرمچار کاروائی ءَ پد په سلامتی وتی بندراں سر بیتگ اَنت بلے دژمن ءِ پوج ءَ وتی مدامی وڑ ءَ لس آبادیانی سر ءَ بازیں کچے ءَ مارٹر گولا آس داتگ ءُ تیرگواری کرتگ.
آئی ءَ گوشتگ که 25 جون ءَ بی ایل ایپ ءِ سرمچاراں کیچ ءِ ھند شاپک ءُ سامی ءَ یکیں وھد ءَ دو جتائیں ٹیکٹیکل اُرش ءَ دژمن نشانگ کرتگ.
جارکش ءَ گوشتگ که شپ ءِ ھشت ءَ شاپک ، کوه بارگ ءَ برجاھیں پوجی چوکی ءِ سر ءَ گوں راکٹ پروپیلڈ گرنیڈ ءُ وتکاریں سلاھاں اُرش کرتگ.
آئی ءَ گوشتگ که دومی کاروائی ءَ سامی ءَ کلات ءَ کوہ ءَ پوج ءِ پھازداریں چوکیانی سر ءَ کنگ بیتگ که سرمچاراں چه نزیک ءَ دژمن ءِ سر ءَ اناگت ءَ اُرش کرتگ.
آئی ءَ گوشتگ که اے دوئیں اُرشانی آسر ءَ دو پوجی کارمند مرتگ ءُ سے ٹپی بیتگ ، ھمے وڑ ءَ بی ایل ایپ ءِ جنگول ابید ءِ تاوان ءَ گوں کارشونی ءَ وتی مھکمیں بندراں سر ءَ سر بیتگ اَنت.
میجر گھرام بلوچ ءَ درشان ءِ گڈی ءَ کاروائیانی زمه واری من اتگ ءُ گوشتگ که داں بلوچستان ءِ آجوئی ءَ زورگریں پوج ءِ نشانگ کنگ ءِ کول ءَ کن ایں.
