کیچ: ابدوئی سیمسر ءَ چہ گزر راہ ءِ بند بوگ ءِ سوب ءَ تیل کشیں گاڑی واھنداں جدگال ڈن ءُ گنہ ءَ زھرشانی ءَ سی پیک دگ بند کرتگ۔ زھرشانی ءَ تیل کشیں گاڑی واھنداں بازیں کچے ءَ بھر زرتگ۔
زھرشانی کنوکیں مردمانی گوشگ اِنت کہ مئے زورگار گوں سیمسر ءَ بندوک اِنت چہ سیمسر ءِ بند بوگ ءِ سوب ءَ ما سکا مالی جنجالانی دیمپان ایں ءُ مئے گسانی گزراں بوگ ءَ نہ اِنت۔ ابدوئی سیمسر ءِ ٹٹ دور کنگ ءُ مارا پیش ءِ وڑ ءَ روزگار کنگ ءِ موکل دیگ بہ بیت۔
آیانی گوشگ اِنت دانکہ ابدوئی سیمسر ءَ ٹٹ دور کنگ ءُ گزراہ پچ کنگ نہ بیتگ ما سی پیک ءِ سر ءَ وتی زھرشانی ءَ برجاہ دارایں۔
