بلوچ لبریشن آرمی (بی ایل اے) ءِ جارکش آزاد بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 21 جون ءَ مئے سرمچاراں کلات ءِ ھند گوم ءَ تیرگواری کرتگ ءُ سی ٹی ڈی ءِ سب انسپکٹر پدا اھمد کشتگ۔
آئی گوشتگ کہ پدا اھمد پاکستانی لشکر سی ٹی ڈی ءِ سروکی ءَ ھوار پاکستانی پوج ءُ چیریں ادارھانی یک چریکے بوتگ۔ کہ آ پوج ءِ گوشگ ءِ پد ءَ کلات ءِ کش ءُ پھناتاں بازیں ورنایانی آوار جنگ ءُ آزار دیگ ءُ شھید کنگ ءَ ھوار بوتگ۔ اے کارمند بلوچ راج ءُ زرمبشت ءِ بگیری ءَ لھتیں درانسانی میاراں ھوار بوتگ۔
آئی گوشتگ کہ کلات ءَ گوں پدا اھمد ءِ نیٹورک ءَ بندوکیں کارمنداں ھوار دمگ ءِ کش ءُ پھناتاں دگہ لھتیں بے لجیں چریک مئے نشانگ ءَ اَنت کہ آ زوت گڈی آسر ءَ سر کنگ بنت۔
