کلاتءُ گوادر ءَسے مردم ءِ لاش دزکپتگ کہ چہ آیاں دو زور بیگواھیں مردم اَنت۔
بنشون ءِ رد ءَ چہ کلات ءِ ھند منگوچر ءِ نزیک ءَ دو مردم ءِ لاش دزکپتگ چہ آیاں یکے زور بیگواھیں سیپ اللہ ء رھیم داد اِنت کہ 11 جون 2025 ءَ زور بیگواہ کنگ بیتگ۔ دومی مردم انگت ءَ پجارگ نہ بیتگ۔
دومی نیمگ ءَ چہ گوادر ءِ ھند نیا آباد ءَ درچکانی تہ ءَ مردمے ءِ لاش دزکپتگ۔ آئی ءِ نام پیسل ھاسل اِنت کہ لھتیں روچ پیش بیگواہ کنگ بیتگ۔
پولیس ءِ گوشگ اِنت کہ آئی لاش ءَ لھتیں روچ بیت کوھن اِنت ھمے درچکانی تہ ءَ چیر دیگ بیتگ۔
کھول ءِ گوشگ اِنت کہ آئی نمبر انگت ءَ پچ اِنت ءُ پجار نہ بیتگیں مردم آئی ءَ کارمرز کنگ ءَ اَنت۔
