کیچ: بلوچ یکجھتی کمیٹی ءِبنجاھی سروکانی ناھکیں دزگیری ءِ بگیری ءَ بی وائی سی ءِ نیمگ ءَ مرچی دومی روچ ءَ تربت پریس کلب ءِ دیم ءَ زھرشانی نندانک برجاہ اِنت۔ زھرشانی نندانک ءَ بی وائی سی ءِ سروکاں ھوار جتائیں بھرگاں سیادی داروکیں مردم، جنین ءُ زھگ نشتگ اَنت۔
چہ زھرشانی نندانک ءَ آیاں تران کرتگ ءُ گوشتگ کہ مئے زھرشانی نندانک ءِ دومی روچ بندات اِنت ما گوں کیچ ءِ لس مھلوک ءَ دزبندی کن ایں کہ آ بیا اَنت ءُمئے زھرشانی نندانک ءَ بھر بزور اَنت۔
آیانی گوشگ اِنت کہ زور بیگواھیں مردمانی کھول بیا اَنت ءُ وتی زھگانی بیگواھی ءِ کیساں یاداشت بہ کن اَنت ءُھما مردم کہ دروگیں میڑاں جنگ بیتگ اَنت آیانی کھول بیا اَنت ءُ اد ءَ گل ءِ کِر ءَ پارم ءَ پُر بہ کن اَنت۔
آیاں گوشتگ کہ اے تیوک ءَ بی وائی سی ءِ سر ءَ ریاست ءِ نیمگ ءَ آئی ءِ زوراکی کنگ نہ بیتگ، بلکیں ھمک ھما توار پہ ھک ءُ راستی ءَ بہ بیت گڑا ریاست آیانی دارگ ءِ جھد ءَ کنت۔ایشی مستریں سوب ھمیش اِنت کہ سرکار ءَ مردماں ھک دات نہ کرتگ گڑا زوراکی گیشتر کرتگ۔
