بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 15 جون ءَ ھزدار ءَ پولیس ءِ بنجاہ ایس ایس پی کارگس ءِ سر ءَ دستی بمب اُرش کرتگ۔ چہ ایشی ءَ دژمن ءَ جانی ءُ مالی تاوان بوتگ۔
آئی گوشتگ کہ یک دگہ اُرشے ءَ بی ایل ایپ ءِ سرمچاراسرمچاراں 17 جون ءِ شپ ءِ یازدہ ءَ وڈ ءَ ھبیب ھوٹل ءِ نزیک ءَ چہ دالبندین ءَ کراچی ءَ گرانھادیں سنگ بروکیں یک ٹرکے نشانگ کرتگ۔ اے اُرش ءَ ٹرک ءِ انجن ءُ ٹائر تاوان داتگ اَنت۔
جارکش میجر گھرام ءَ گوشتگ کہ زورگریں ریاست ءِ لشکری ادارہ ءُ آئی لٹ ءُ پلی مالی شوربندی مئے کاروائیانی نشانگءَ اَنت دانکہ دژمن ءِ لشکری ءُ انتزامی مشنیری ءُ ناک آبادکاریں لٹ ءُ پلی شوربندی گوں ھاکان ھوار کنگ بہ بنت۔
