بلوچ لبریشن آرمی ( بی ایل اے) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں ھوشاپ ءُ کولواہ ءَ زورگریں پاکستانی پوج گوں چیر کرتگیں شورھان ءُسلاہ بندیں ارش ءَ نشانگ کرتگ ءُ سکا تاوان داتگ، زھری ءَ یک دزگیریں ایم آئی ءِ کارمندے کشتگ۔
آئی ءَ گوشتگ کہ بی ایل اے ءِ سرمچاراں کیچ ءِ ھند ھوشاپ ءَ گونڈسرین ءَ پہ سی پیک دگ ءِپھازداری ءَ برجاھیں زورگریں پاکستانی پوج ءِ بنجل گوں ارش ءَ نشانگ کرتگ۔ سرمچاراں وتکار ءُ مزنیں سلا ہ کارمرز کرتگ اَنت ءُ دژمنیں پوج ءِ سر ءَارش کرتگ، ایشی آسر ءَ کم چہ کم یک کارمندے جاھی مرتگ ءُ باز ٹپی بیتگ۔
جارکش ءَ گوشتگ کہ بی ایل اے ءِ سرمچاراں 16 جون ءَ کیچ ءِ ھند کولواہ بل ءَ زورگریں پاکستانی پوج ءِ یک گاڑی یے گوں چیر کرتگیں شورھاں نشانگ کرتگ ایشی آسر ءَچار کارمند مرتگ ءُگاڑی سرجم ءَ تباہ بیت۔
آئی ءَ گوشتگ کہ بی ایل اے ءِ سرمچاراں گوستگیں روچ ءَ ھزدارءِ ھند زھری ءَ زورگریں پاکستانی پوج ءُ چیریں ادارہ ملٹری انٹیلیجنس ( ایم آئی ) ءِ کمکار ھزر دزگیر کرتگ کہ آئی ءَ وتی دروشم مٹ کرتگ ءُ شھرءِ کِر ءُ کشاں چاریگی کنگ ءَ بیتگ۔
جارکش ءَ گوشتگ کہ جست ءُ پرس ءِ میان ءَ کمکار ءَ من اتگ کہ آ ملٹری انٹیلی جنس ءِ کارمند اِنت آ چہ کراچی ءَ پوج ءِ سروگان مھمد کاشپ ءَ ڈی جی ھان ءُ پد ءَ بلوچستان ءِ آدگہ ھنداں گوادر ءَ دیم دیگ بیتگ آ داں چنچو روچاں چاریگی ءَ بیتگ۔ پد ءَ آ شال ءَ سر بیتگ، پد ءَ کلات ءَ شتگ ءُ اود ءَ گوں سروگان کیوم ءَ گپ ءُ تران ءَ پد پہ چاریگی ءَ زھری ءَ دیم دیگ بیتگ۔
آئی ءَ گوشتگ کہ میارباریانی منگ ءَ پد بلوچ آمیدگس ءَ مرگ ءِ سزا داتگ گڑا سرمچاراں زوت کشتگ۔
جیھند بلوچ ءَ درشان ءِ گڈی ءَ اے کاروائیانی زمہ واری من اِتگ۔
