وائس پار بلوچ مسنگ پرسن ( وی بی ایم پی ) ءَ ماں رسانکدر ءَ وتی شنگ کرتگیں درشانے ءَ گوشتگ کہ چہ تربت ءَ زور بیگواھیں ورنا یاور ھبیب ءِ کھول زھرشانی ءَ سی پیک دگ ءَ نشتگ ءُ کھول ءِ گوشگ اِنت کہ یاور ھبیب ء ھبیب بلوچ 16 جون 2025 ءَ چہ تربت ءِ مزن ھائی کورٹ ءِ دیم ءَ زور بیگواہ کنگ بیتگ۔
آئی ءَ گوشتگ کہ ویل ءَ پد کھول ءُ ھندی مردماں پہ یاور ھبیب ءِ آجوئی ءَ زھرشانی نندانک ءَ نشتگ اَنت ءُ سی پیک دگ بند کرتگ۔
وی بی ایم پی ءَ گوں سرکار ءَ لوٹ کرتگ کہ آ سی پیک دگ ءَ نشتگیں جنین ءُ زھگانی زھرشانی ءِ بابت ءَ زوت گامگیج بزور ایت ءُ یاور ھبیب ءِ کھول ءِ گون ءَ ڈیھ ءِ کانود ءِ رد ءَ انساپ کنگ ءَ وتی کرد ءَ پیلو بہ کنت کھول ءَ چہ اے گرانیں گم ءَ بہ کش ایت۔
