بیگواھیں بلوچانی توار ( وی بی ایم پی ) ءَ ماں رسانکدر ءَ وتی شنگ کرتگیں درشانے ءَ گوشتگ کہ نئیم اللہ ءُ شریپ اللہ ءِ پت رھمت اللہ مھمد ھسنی وی بی ایم پی ءِ زھرشانی گدان ءَ آتکگ ءُ آیانی زوریں بیگواھی ءِ کیس گل ءِ کِر ءَ یاداشت کرتگ ءُ گوشتگ کہ آئی دوئیں زھگ پاکستانی لشکر ءَ 29 اگست 2013 ءَ مپتاہ الالوم نوکیں بس اڈہ سرکی دگ ءَ شپ ءِ یک ءَ دزگیر کنگ ءَ پد بیگواہ کرتگ اَنت۔ وکدار آئی ءَ زھگانی بارو ءَ ھچ سرپدی دیگ ءَ نہ اِنت ھمے سوب ءَ تیوگیں کھول جنجالانی دیمپان اِنت۔
![](https://zrumbesh.com/wp-content/uploads/2024/01/1000195404-1024x576.jpg)
آئی ءَ گوشتگ کہ وی بی ایم پی ءِ کمک سرکماش ماما کدیر رھمت اللہ مھمدھسنی دلجمی داتگ کہ آئی زھگانی کیساں پہ زوریں بیگواھیں مردماں جوڑ بوتگیں کمیشن ءُ سرکار ءَ دے این ءُ پہ نئیم اللہ ءُ شریپ اللہ ءِ آجوئی ءَ ھمک جاہ ءَ توار چست کن ایں۔
آئی گوشتگ کہ گلام نبی جتوئی ءِ زوریں بیگواھی ءِ کیس آئی برات ءَ وی بی ایم پی ءِ کِر ءَ آنلائن ءَ یاداشت کرتگ ءُ گوشتگ کہ گلام نبی جتوئی ء شکر ھان ءَ پاکستانی لشکر ءَ 17 مارچ 2023 ءَ ھڈکھری، سنی ءِ ھند کچی ءَ چہ آئی گس ءَ آوار جتگ ءُ بیگواہ کرتگ۔