کیچ: زی چہ تربت ءَ پاکستانی پوج ءَ ورنا یے آوار جتگ ءُ بیگواہ کرتگ، آئی کھول ءَ زھرشانی ءَ سی پیک دگ بند کرتگ۔
بیگواھیں ورنا ءِ نام یاور ھبیب ء ھبیب اِنت کہ اومری کھن ءِ جاہ منند اِنت۔ پوج ءُ چیریں ادارھاں زی چہ آپسر سیٹ یاسین میتگ ءَ ھما وھد ءَ آوار جتگ کہ آ چہ پیشی ءَ واتر گس ءَ روگ ءَ بیتگ۔
یاور ھبیب ءَ زوریں بیگواھی ءِ بگیری ءَ آئی کھول ءَ اومری کھن ءَ سی پیک دگ بند کرتگ ءُ نشتگ اَنت۔
چوش کہ گوستگیں ھپت روچ ءَ زور بیگواھیں لیویز کارمند گلام جان ءِ کھول ءِ نیمگ ءَ اومری کھن ءَ ھمے جاہ ءَ زھرشانی برجاہ بیتگ انتزامیہ ءَ آیان ءَ ھپت روچ ءِ وھد داتگ کہ گلام جان یل کنگ بیت۔ گلام جان ءِ کھول ءَ زی وتی زھرشانی ھلاس کرتگ۔ یاور ھبیب کھول زی ھما جاہ ءَ زھرشانی ءَ نشتگ۔
