کیچ:پرندوشی پاکستانی پوج ءِ چریک ءُ کشندہ ٹولی ءِ کارمنداں مند ءَ نوکیں کھن ءَ مھمد ء ھارون ءِ گس ءَ دستی بمبے چگل داتگ ءُ جستگ اَنت۔
زرمبش جھگیر ءِ رد ءَ پرندوشی شپ ءِ یازدہ ءَ ھندی کشندہ ٹولی ءَ بمب گس ءِ پیشگاہ ءَ چگل داتگ ءُجستگ اَنت۔چہ ایشی ءَ لوگانی در ءُ دروازگ ءُ در ءَ ایریں ساماناں تاوان بیتگ۔
بلوچستان ءِ جتاجتائیں جاھاں پاکستانی پوج ءُ آئی ءِ ھندی چریک مردمانی تُرسینگ ءَ لوگانی سر ءَ دستی بمب چگل دیگ ءُ لوگانی سر ءَ تیرگْواری کنگ ءَ اَنت کہ چہ ایشی ءَ مردم تُرس ءِ آماچ بہ بنت ءُ ریاست ءِ زور ءُ زوراکیانی بگیری ءَ بے توار بہ بنت۔
چہ ایشی ءَ پیش تمپ ءَ ھم کشندہ ٹولی ءَ پوج ءِ ھواری ءَ لوگانی سر ءَ دستی بمب چگل داتگ ءُ تیرگْواری کُرتگ اَت کہ چہ تیرگْواری ءَ جنینے ٹپی بیتگ اَت۔
